طريقة عمل المطبق اللذيذ
مقادير العجينة:
3 كاسات طحين
كاسة وربع ماء فاتر
رشة ملح
معلقة صغيرة سكر
3 معالق زيت قلي
1 بيضة
رقائق السبرينغ رول
مقادير الحشو:
3 عروق كبار بصل اخضر او كرات مقطع قطع صغيرة ( والاصل بالوصفة الكراث )
1 بندورة مقطعة ناعم
وقية لحمة مفرومة ناعمة مستوية
1 أو 2 بيض مخفوق لكل عجينة مطبق ( كل طبقة سبيرنغ رول )
رشة ملح وفلفل وكمون
طريقة التحضير
العجينة: بتجيبي 3 كاسات طحين وكاسة وربع ماء فاتر ورشة ملح ومعلقة سكر و3 معالق زيت قلي وبيضة وبتخلطيهن كلهن بايدك.
بتقطعيهن ل6 قطع وبتحطيهن بصحن فيه شوية زيت مشان يطرو ومايلزؤو اكتر وبتتركيهن يختمرو نص ساعة.
بتجهزي رقائق السبيرنغ رول الجاهزة وبتخليها على جنب.
بتجيبي العجين وبتاخدي قطعة من اصل ال6 قطع من العجين وبتفرديها على الرخامة وبتدهني الرخامة بالزيت شوي وبترقي العجين لاكبر حجم دائري وبتحطي جواتها رقائق السبيرنغ رول عجينة وحدة يعني طبقة وحدة من السبرينغ رول وبتحطي جواتها حشوة المطبق الي هي : بصل اخضر او كرات مقطع قطع صغيرة (والاصل بالوصفة الكراث) بندورة مقطعة ناعم، لحمة مفرومة ناعمة مستوية، بيض مخفوق عدد بيضة او 2 لكل عجينة مطبق.
انا ضفت مع الحشوة شوية بقدونس بس هي مو من اصل المطبق.
بتخلطي هاي المكونات مع بعض مع ملح وفلفل اسود وكمون فقط وبتحشي فيها الرقائق السبرينغ رول الي جوات عجينة المطبق وبتسكريها.
بتحطيها بمقلاية تيفال او سيراميك حصرا فيها شوية زيت قلي شي معلقتين زيت فقط وعلى نار وسط بتئلي المطبق ليصير لونو احمر من الجهتينوبعدين بنقيمو وبتقسمية وبتعصري علية ليمون بس يبرد شوي وهو الي بعطي نكهة المطبق اليمني وصحة وهنا.
تعليقات
إرسال تعليق